Բժշկականի ռեկտոր ընտրվեց Միքայել Նարիմանյանը. ysmu.am

Այսօր Երևանի Մխիթար Հերացու անվան պետական բժշկական համալսարանում կայացավ Հոգաբարձուների խորհրդի թվով 3-րդ նիստը, որը բացեց խորհրդի նախագահ, ՀՀ կրթության և գիտության նախարար Արմեն Աշոտյանը:

Նիստի օրակարգում մեկ հարց էր՝ ռեկտորի ընտրությունը:

Նախ՝ ռեկտորի ժամանակավոր պաշտոնակատար Միքայել Նարիմանյանը հակիրճ ներկայացրեց բուհի զարգացման իր տեսլականը, այնուհետև պատասխանեց խորհրդի անդամների հարցերին, ինչից հետո խորհրդի անդամներից ընտրվեց հաշվիչ հանձնաժողով:

Կայացած փակ գաղտնի քվեարկության արդյունքում Երևանի պետական բժշկական համալսարանի ռեկտոր ընտրվեց Միքայել Նարիմանյանը:

Նշենք, որ Հոգաբարձուների խորհրդի 32 անդամներից նիստին ներկա էին 29-ը, ովքեր էլ միաձայն քվեարկել էին գործող ռեկտորի օգտին:

Հարցեր, պատասխաններ, մեկնաբանություններ